Udalbatzarrak 2013ko abenduaren 30ean onartutako aurrekontua guztiz onartu da hilabete beranduago, inolako erreklamazio edo oharpenik aurkeztu ez delako. 2014ko ekitaldi ekonomikoari dagokion 2.340.543,19 euroko aurrekontu-espedientea onartu da. Aurrekontuak ikusteko klikatu gastuak eta sarrerak.
Lanpostuen zerrenda eta plantila organikoaren behin-betiko onartzea ere eman da. Guztira 20 lanpostu onartu ditu Aiako Udalak. Horietatik zortzi karrera funtzionarioetarako eta 12 pertsonal laboralerako. Klikatu hemen zerrenda ikusi nahi izanez gero.
Auzi-errekurtsoa jartzeko epea Gipuzkoako aldizkari ofizialean iragarkia plazaratu eta hurrengo egunetik hasita bi hilabeteko epean amaituko da. Halaber, administrazioarekiko auzi-errekurtsoa jarri aurretik, birjarpen helegitea aurkeztu ahal izango da erabakia hartu duen organoari zuzendua. Erabakia argitaratzen den egunetik hilabete izango da horretarako.