Iraupen eskiko irteeran parte hartzeko izena eman daiteke jada Zestoan

Zestoako Agiro Mendi Taldeak antolatuta, iraupen eskia egiteko irteera egingo dute otsailaren 14tik 16ra. Somportera joango dira, eta interesa duenak otsailaren 7ra bitartean eman dezake izena, herriko kiroldegian. Bazkideek 65 euro ordaindu beharko dute, eta gainontzekoek 70 euro. Prezio horretan bi gau, bi gosari, afari bat eta garraioa izango dute. Era berean, iraupen eskia eta raketarekin ikastaroa jasotzeko aukera edukiko dute. Joango direnen artean bilera egingo dute otsailaren 11n, 20:00etan, Zestoako kiroldegian.