Eduki hau partekatzeko esteka arbelera kopiatu da.
Beste urte batez, Uztaro haurreskolako Guraso Elkarteak Pirritx, Porrotx eta Marimotots pailazoen emanaldia antolatu du. Otsailaren 1ean Bizipoza emanaldi berria taularatuko dute 17:00etatik aurrera Izarraitz pilotalekuan. Bildutako dirua, urtero bezala, haurreskolako jangela zerbitzua mantendu ahal izateko erabiliko dute.
Sarrerak 7 euro kostako dira, eta antolatzaileek nabarmendu dutenez, sartzen diren pertsona guztiek ordaindu beharko dute, adina kontuan izan gabe. Sarrerak salgai daude dagoeneko ondorengo toki hauetan: Azpeitian Uztaro haurreskolan, Laratz kafetegian, Trenbide kafetegian, Lasa gozotegian, Azpeitiko Kiroldegian, Ametsa tabernan, Pastorkua tabernan eta Eguzkitza tabernan. Azkoitian Errotatxo okindegian eta Zestoan, berriz, Anardi tabernan.