Iritsi da Bizar Zuri Zarautzera

Ilara luzeak sortu dira gaur Zinema frontoian. Haurrak, gurasoek lagunduta, Bizar Zuriri Hiru Errege Magoentzat gutunak ematen ari dira banaka-banaka. Aurten lehenago hasi da postaria horiek biltzen, etxeko txikienen gutun guztiak biltzeko asmoz. Bestalde, euria ari zuelako erabaki dute aurten eskenatokiz aldatu—lehen Lege Zaharren Enparantzan egoten zen — eta Gaztelekuan izan da Bizar Zuri.

Aldaketak izan badira ere, postariak ohiko ibilbidea egin du Zinema frontoira iritsi aurretik: San Inazio kaletik—Santa Ana egoitzatik— hasi eta Santa Marina, Herrikobarra, San Frantzisko, Kale Nagusia, Ipar eta Zigordiatik igaro da.