Getariako Udala Aldamar Parkea berritzen hasi da; 2013an parke erdia berrituko dute eta 2014 hasieran gainontzekoa. Bestalde, Aldamarreko garajeen goiko saerrera ere konponduko dute; izan ere, garajeen sarrerako lurrak asentatzen joan dira urteak pasa ahala eta ondorioz lurra ondoratu egin da eta petrila bi zatitan pitzatuta geratu da erortzeko arriskuan, Getariako Udalak hori konpontzen ari da egunotan. Horretaz gain, parkean auzokonposta gunea jarriko dute eta parkeko argiteriaren akometida pasako da.