Galarragak eta Zabaletak irabazi dute Aiako Argazki Lehiaketa

  Ezkerretik hasita: Oliver Perez, Urko Galarraga, Leire Sagastume, Josune Zabaleta, Koro Arratibell, Jose Anjel Aldai eta Igor Iturain alkatea alkatea Aiako VIII. Argazki Lehiaketako sariak banatu ditu Aiako Udalak. Aiako Andatza eta Santio Erreka auzoei buruzko argazki azpimarragarrienak saritu dituzte aurten eta  Urko Garalarraga aiarrak eta Josune Zabaleta oriotarrak irabazi dituzte lehen sariak. Aiarren mailan bigarren saria Jose Anjel Aldairentzat izan da eta hirugarren argazki onena Leire Sagastumerena izan da. Herritarrak ez direnen mailan Koro Arratibel oriotarrak eskuratu du bigarren saria eta Oliver Perez zestoarrak hirugarrena.