18:15ak inguruan suhiltzaileen hiru kamioi handi eta ertzainen auto bat sartu dira herrira. Erribera kalean geratu dira guztiak, Ixarra kalearekin izkina egiten duen etxebizitzara begira. Orioko Udaltzainek adierazi digutenez, susto hutsa izan da guztia: Hotza egiten duela-eta, etxeko tximinia piztu du bizilagun batek. Sugarrak tximinitik indarrez atera dira nonbait. Sua dela irudituta, larrialdietara deitu du beste bizilagun batek beldurtuta.
Behin suhiltzaileak etorrita tximinia ikuskatzera joan dira badaezpada ere, baina sustoan geratu da.