Abenduaren 3an Euskararen Eguna ospatuko da eta Orioko Zaragueta Herri Eskolak Liburu trukea antolatu du Euskararen Eguna merezi duen bezala ospatzeko. Alde batetik, liburu bilketa egingo dute azaroaren 26an eta 28an Zaragueta Herri Eskolan 15:30etik 16:30era eta azaroaren 29an Herriko Plazan 17:00etatik 18:00etara. Bertan dagoeneko erabili eta egoera onean dauden euskarazko haur, gazte edota helduei zuzendutako liburuak bilduko dituzte; ekarritako liburu bakoitzeko txartel bana emango diete antolatzaileek herritarrei. Liburu trukea abenduaren 3an egingo da Zaragueta Herri Eskolan 15:30etik 16:30era eta Herriko Plazan 17:00etatik 18:00etara. Bilketa egunean jasotako txartelak sailkapen bereko edozein libururengatik tratuko ahalko dute parte hartzaileek. Zaragueta Herri Eskolako kideek Liburu Trukean parte hartzera animatu nahi dituzte oriotarrak.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide