Kostaldea.eu webgunea berritu dute

Eskualdeko turismo eskaintza webgune bateratu batean, www.kostaldea.eu-n, bildu zuten duela hainbat urte Urola Kostako Udal Elkarteak eta Aia, Getaria, Orio, Zarautz eta Zumaiako turismo bulegotako arduradunek. Orain berritu egin dute. Jakinarazi dute oraingoa «dinamikoagoa» dela, eta besteak beste, eskualdeko berriak ere landuko dituztela aurrerantzean. Orain arteko informazioa osatu dute—jatetxe, ostatu, bisita gidatuak... gehitu dituzte—eta atal berriak sortu. Irudi, mapa eta antzeko baliabidez hornituta dago gune berritua, eta bilaketak «arin eta erraz» egin daitezke.