Etxeko eta auzoko konpostatzearen inguruko informazioa, herriz herri

Azaroaren 14tik 30era informazio puntuak jarriko dituzte Aia, Getaria, Orio, Zarautz eta Zumaian. Urola Kostako Udal Elkarteak etxeko zein auzoko konpostajea zabaldu eta erabiltzaile berriak lortzeko bidean kanpaina berria abiatuko du hilabete honetan. Hala,  hainbat ekintza antolatu du eskualdeko herritarrak konpostatzen hastera animatzeko. Horretarako informazio puntuak jarriko dituzte kostako herri horietan:  Aian azaroaren 24ean (10:00-14:00 artean) eta 27an (16:00-20:00 artean) Gozategi enparantzan; Getarian azaroaren 15ean(16:00-20:00 artean)  eta 23an (10:00-14:00 artean) frontoian; Orion azaroaren 21ean (16:00-20:00 artean) eta 22an (10:00-14:00 artean) herriko enparantzan; Zarautzen azaroaren 14ean (16:00-20:00 artean) Bertsolari plazan eta hilaren 15ean (10:00-14:00 artean) udaletxe plazan eta Zumaian azaroaren 28an (10:00-14:00 artean) eta 30ean (10:00-14:00 artean) , Amaiako plazan. Bertaratzen direnek konpostajearen nondik norakoak ezagutu ahalko dituzte eta dituzten zalantzak argitu. Era berean, landareak, konposta eta materia organikoa bereizteko ontziak banatuko diuzte. Interesa dutenek gune horietan bertan eman ahalko dute izena. Bertaratu ezin dutenek 943-554874 telefonora deitu edota konposta@urolakosta.org helbidera idatzi ahalko dute. Izena ematen dutenek trebakuntza pertsonalizatua jasoko dute etxean, teknikari baten eskutik.