Mosaiko erraldoia Zarauzko hondartzan. EHE
Euskal Herrian Euskaraz taldeak antolatuta, atzo mosaiko erraldoia egin zuten Zarauzko hondartzan herritarrek, "estatuaren mehatxuen" aurrean udalari babesa agertzeko. Espainiako abokatuak helegiteak jarri ditu Zarauzko zein beste 35 udalen hizkuntza irizpideen kontra. Hori salatzeko, ehunka herritar bildu ziren "Etxetik udalera, euskaraz aurrera!" lelopean. Ondoren, kalejira egin zuten Lege Zaharren Enparantzaraino. Bertan jai giroan hamaiketakoa egin zuten.
