Iazko tripulazioari eutsiko dio Iñaki Mendizabal entrenatzaileak. Gehienek jarraituko dutela adierazi diote, eta bakarren bat zalantzan den arren bizpahiru hutsune baino gehiago ez izatea espero du. Hortaz gain, lehen arraunean jardundako batzuk ere hastekoak dira eta 20 arraunlaritik gora izango den talde batekin ekingo dio 2014ko Enbatak.
Nobedade gisa esan, aurten aulki mugikorrean ere aritzeko asmoa dutela eta arraunlari kopuruaren arabera, bikoan, laukoan edota zortzikoan aritu nahiko lukete traineru denboraldia hasi bitartean.
ZAEk arraun egitera animatu nahi ditu zarauztar guztiak, bai lehen aritutakoak, baita sekula arraunik heldu gabekoak ere. Horretarako astelehenean arratsaldeko 19:00etan Arrona zaharreko bigarren eskuko azokara azaldu edo deitu 688-649 307 telefono zenbakira.