Azpeitiko Harremanak zentroan bi ikastaro berri antolatu dituzte

Azpeitiko Harremanak Osasun Zentroan Guraso Eskola eta haurrentzako psikomotrizitateko ikastaroa antolatu dituzte. Guraso Eskolaren baitan hilean bi orduko saioak izango dira, ostegunetan, 10:00etatik 12:00etara, azarotik ekainera artean, Azpeitiko Harremanak zentroan bertan (Ildefonso Gurrutxaga kaleko 3 zenbakian). Izen-emateko 145 euro ordaindu behar dira eta langabetuek 130 euro. Guraso Eskolarako izena azaroaren 4rako eman behar da harremanak@harremanak.net helbidera mezua bidalita edota 628-859282 telefono zenbakira deituta. Horrez gain, Haur Hezkuntzako haurrentzako psikomotrizitateko saioak ere antolatu dituzte. Kasu honetan, astean ordubeteko saioak izango dira eta talde txikietan ariko dira: 2012an jaiotakoak ostiral goizetan eta 2 urtekoak, 3koak, 4koak eta 5ekoak asteazken, ostegun eta ostiral arratsaldetan. Izena emateko psikomotrizitatea@harremanak.net helbidera idatzi behar da edota 635-753985 telefono zenbakira deitu daiteke.