Ostegun honetarako, urriaren 17rako, Baga, biga, higa hitzaldi musikatua antolatu du Orioko Udalak Mikel Markez eta Eñaut Elorrietarekin. Saioa iluntzeko 19:00etan hasiko da eta Kultur Etxean egingo dute.
Euskaraz bizi-bizi kanpainaren baitan egingo da emanaldia eta euskarazko musikaren transmisioa eta sustapena izango da gaia. Euskal
musikagintzaren mundua barrutik ezagutzen eta bizitzen dute Markezek eta Elorrietak.
Bost ataletan banatu dute euskal musikaren historia:
- 60ko hamarkadara artekoa
- 60ko eta 70eko hamarkadak
- 80ko hamarkada
- 90eko hamarkada
- 2000. urtetik gaur egunera artekoa
Bestetik,
hamarkaden arteko lotura egiteko musika euskarriak erabili
dituzte. Garai bakoitzean erabili den euskarriak informazio asko ematen
du aro bakoitzari buruz.
Saioa doakoa izango da.