Eduki hau partekatzeko esteka arbelera kopiatu da.
Pasa den asteburuan Zezen Beltz asteburuarekin ekitaldi ugari izan da. Larunbatean entzierro txikia eta haurrentzako zezen txikiak eta poniak izan ziren eguerdian eta arratsaldean zezen-plazan zezen jolasak. Zezen-plazan 1.200 lagun bildu ziren Azpeitia, Azkoitia eta Hernaniko taldeen arteko jolasak ikustera; Azpeitikoak irabazi zuen. Bertan bildutako dirua, Azpeitiko gaixo eta elbarrien aisialdi taldeari eta DYAri emango diote Zezen Beltz elkartekoek. Atzo, igandea, arratsaldean zezen bolaztatuak izan ziren Artzubia kalean.