Krisiak harrapatu duen gizon baten papera jokatzen du, umorez, Patxi Santamaria aktore zarauztarrak Aktibo toxikoa lanean. Mundua antolatzeko modu ezberdin bat aldarrikatzen du, esentzialago bat, egungo mozorro eta eroskeria agerikoaren ordez.
Antzerki-lana ostiral honetan, urriaren 4a, Kultur Etxeko areto nagusian izango da, 22:30ean hasita.
Sarrera doan da baina, aurrekoetan bezala, aldez aurretik jaso behar da kultur etxean. Udalak 110 gonbita prestatu ditu eta doan banatuko ditu agortzen diren arte.