Jendetza bildu zen atzo Zarautzen, Txakolin Topaketan. Amaia Ventas
Eguraldia medio, aurten mahats bilketa atzeratu egin dute hilabete. Horrek ez du eragin, ordea, festan. Mahatsik gabeko Txakolin Topaketa egin zuten atzo Zarautzen. Mahatsik ez, baina txakolina barra-barra izan zen. Eta jendetza bildu zen 26 txakolindegitan ekoitzitako ardoa dastatzera. Jana eta edana, bertsoak, trikitilari eta txistulariak... Ez zen ezer falta izan. Horrez gain, txakolinarekin maridajeak egin zituzten Merkatu plazan.
