Irailaren 17an elkartuko dira Zarauzko Mugibil kanpainako parte-hartzaileak

Irailaren 17an abiatuko dute Mugibil kanpaina. Bigarren urtez jarraian, hirugarren adineko pertsonek taldean aisialdiko jarduerak eta ariketa fisikoa egitea izango da horren helburua, osasuna eta sozializazioa sustatze aldera. Parte-hartzaileak astean bitan elkartuko dira ibilbide jakinak eta gimnasia saioak egiteko, eta bide batez, herriko natura-inguruneaz gozatzeko. Iazko ekimeneko aurkezpeneko irudi bat (Amaia Ventas/Hitza) Jakinarazi dutenez, iaz "talde polita" bildu zen, neguan zein udan. Hori "erraz identifikatu" ahal dela gogoratu dute; izan ere, parte-hartzaileek zira edota elastiko urdinak eraman ohi dituzte soinean eta "osasuntsu" paseatzen ikus daitezke. Kanpainan parte hartzeko interesa dutenek irailaren 17an Gaztelekura agertu beharko dute, 10:00etan. Ondoren erabakiko dute aurtengo egutegiaren nondik norakoak.