Eduki hau partekatzeko esteka arbelera kopiatu da.
Bi atzerritar atera dituzte gaur arratsaldean Zumaiako flyschetik, mareak gora egin eta bertan harrapatuta geratu ostean. Eusko Jaurlaritzako Segurtasun sailak jakinarazi duenez, 16:00ak aldera gertatu da. Gurutze Gorria eta Itsas Salbamentua bertaratu dira, bikotea itsaso bidez erreskatatzeko. Helikoptero baten laguntzarekin atera behar izan dituzte azkenean. Bikotea onik dagoela adierazi dute.