Espainiako Arraun Federazioko 23 urtez azpiko taldea Linzera –Austria– abiatu da uztaiaren 24tik 28ra bitartean jokatuko den Munduko txapelketan parte hartzera. Orio Arraunketa Elkarteak ere izango du ordezkaririk Danubioko uretan: Imanol Garmendia.
52 herrialdetatik joandako 811 arraunlarik hartuko dute parte eta Espainiako taldeko laukoan arituko da oriotarra Álvaro Romero, José Gómez-Feria eta Patricio Rojasekin batera. Guztira 12 taldek hartuko dute parte beren arloan eta ostiralean, uztailaren 25ean 11:50 inguruan egingo dute lehen saioa.