Eduki hau partekatzeko esteka arbelera kopiatu da.
Aizarnazabalgo Zubialde auzoa bizirik dagoela erakutsi dute herritarrek; hango eguna ari dira ospatzen, eta giro herrikoia da nagusi. Trikitilariek auzoa girotu bitartean, herri kirol jaialdia egin dute; Jesus Mari Iruretagoiena Izeta III.a harri-jasotzailea eta Esteban Zumeta eta Xabier Bergara aizkolariak nor baino nor aritu dira. Izetaren bi urteko seme Unax Iruretagoienak ere bere erakustalditxoa eskaini du bertaratutakoen animopean. Eguerdian, berriz, bazkaria egingo dute auzoan.