Azpeitiko XXXI. Euskal Antzerki Topaketak iragarriko dituen kartela aukeratu dute. Kartel lehiaketa Iñaki Martinez Albisu azpeitiarrak egindako irudiak irabazi du. Lehiaketara 40 lan aurkeztu dira eta ekainaren 8tik 20ra bitartean erakusgai izan dira Betharrameko aretoan. Kartel irabazlea aukeratzeko erakusketara joandakoek emandako bozkak eta epaimahaiaren iritzia hartu dituzte kontutan. Martinezek 900 euroko saria jasoko du.
Antzerki Topaketetako kartel lehiaketako irabazlea, Iñaki Martinez azpeitiarrak egina.