Eduki hau partekatzeko esteka arbelera kopiatu da.
Irati Epelde zarauztarrak mareak nola sortzen diren azalduko du ateartean, Arkamurka natur taldeak antolatuta. Marea jatorri astronomikoa duen fenomenoa dela dio, itsas mailaren aldaketa periodikoa dakarrena. Aldaketa horretan gehien ilargiak eta eguzkiak eragiten du Epelderen arabera, baina baita beste astro batzuek ere. 21:00etatik aurrera izango da hitzaldia, taldeak Santa Marina kalean duen egoitzan.