Urtero ekainaren 23an dantza emanaldia egiten du Harribilek San Juan berde eguna dela-eta. Emanaldiaren aurretik sorgin dantza egiten dute eta kalejiran irteten dira herriko haurrekin batera.
Horren harira, maiatzaren 31n, ostiralarekin, arratsaldeko 18:30erako bilera deialdia egin dute Harribilekoek. Kosta Tailerrean elkartuko dira LH2tik gorako haurrekin eta han entseatzeko egunak zehaztuko dituzte.
Horretarako parte hartu nahi dutenei bertan izateko eskatu die Harribileko arduradunek.