Gipuzkoako Foru Aldundiaren proposamenak bertan behera uzten ditu Espainiako lan erreformako puntuak. Zestoako San Juan Fundazioko zuzendari Joseba Illarramendik alderatu ditu bata eta bestea.
Lan orduak
- Aldundiaren proposamena. «Urteko ordu kopurua mantentzea: 1.592 ordu. Eguneko 20 minutuko deskantsuak lan orduetatik kanpo egoten jarraituko luke aurten, eta 2015etik aurrera atsedenaldiko 20 minutu horietatik 5 minutu lanordu bezala kontatuko lirateke. Pixkanaka gehituko litzateke hori. Aldundiak dio 5 minutu horiekin Gipuzkoan 44 lanpostu sortuko liratekeela».
- Espainiako lan erreforma. «Urtean langile bakoitzak 200 ordu gehiago lan egin beharko ditu».
Soldatak
- Aldundiaren proposamena. «2013an, 2012ko KPI igotzea, hau da, % 2,6. Eta 2014an, 2013ko KPI igotzea».
- Espainiako lan erreforma. «Batez beste hilero 400 euro gutxiago kobratuko dute langileek».
Subrogazioa
- Aldundiaren proposamena. «Subrogazioa lotzen du Gipuzkoako Foru Aldundiaren proposamen honek. Titulartasuna aldatzen denean, etortzen den enpresa berriak lehendik dauden langileak hartu beharko ditu, lehendik dauden baldintza ber-beretan, eta hitzarmena baino gorago dauden lan baldintzak badituzte, horiek ere errespetatu egin behar ditu printzipioz».
Kalte-ordainak
- Aldundiaren proposamena. «Bidezkoa ez den kaleratze bat badago, errespetatu egiten du 45 egun lan egindako urteko».
- Espainiako lan erreforma. «Atzera botatzen du, eta 20 egun inguru eskaintzen ditu lan egindako urteko».
Asteburuak
Langileek Hitza-ri azaldu diotenez, langile askok hiru asteburu egiten dituzte lan jarraian.
- Aldundiaren proposamena. «Langileek gehienez jarraian bi asteburu egingo dituzte lan, eta hirugarrena jai».
Gaixo agiriak
- Aldundiaren proposamena. «Gaixo agiria jasotzen den lehen egunetik %100 kobratzea. Urte berean bigarren aldia badu, %80ra jaisten da».
Oporraldiak
- Aldundiaren proposamena. «Oporraldia gaixo egoteagatik galduz gero, hurrengo urtean errekuperatzeko aukera egongo da».