Gipuzkoako trainerilla txapelketak jokatu ziren pasa den larunbatean Mutrikun. Zumaiako ontziek ez zuten txapelketarik irabazi, baina domina banakin itzuli ziren herrira.
Emakumezkoetan, senior mailan, bigarren izan zen Zumaia, txapelketa irabazi zuen San Juanekiko 3 segundora. Jubeniletan, gizonezkoetan, hirugarren izan ziren zumaiarrak, estropada irabazi zuen San Pedrorekiko 38 segundora. Gizonezkoetan baita ere, senior mailan, baina Federazio Sarian, bigarren izan zen Zumaia.