Egitarau zabala antolatu dute Zarauzko Arraio Irratiaren 7. urtemugarako

Zarauzko Arraio Irratiak zazpi urte beteko ditu maiatzaren 20an. Hori ospatzeko egitarau betea antolatu dute datorren asterako. Hona hemen ekitaldien zerrenda: - Maiatzak 20, astelehena: irratsaio berezia, 20:00etatik aurrera Arraion (FM 99.3). Gonbidatu bereziak, lehiaketak, sorpresak, eta beste hainbat kontu izango da. - Maiatzak 21, asteartea: Astearte bidaiariak, Putzuzulon 19:30etik aurrera. Berlin-Amsterdam-Paris bizikletan, Joseba eta Ander Garmendiaren eskutik. - Maiatzak 23, osteguna: Gasteizko Hala bedi irrati libreko lagunekin Hala Bedi irratiak 30 urte solasaldia, 19:30etik aurrera. - Maiatzak 25, larunbata: - 12:00. Pilota eta pala partidak Frontoi Txikin, Izerditan Blai saioaren eskutik. Pala partidak: Iker-Egoitz, Haritz-Ruben, Xabi-Joseba. Pilota partidak: Argote-Xalegi Argiñano IV.a-Azpiazu bikotearen aurka. - 14:30. Bazkaria Putzuzulon. -Bazkalostean. Jon Plazaolaren bakarrizketa eta Imanol magoa. - Ondoren. Poteo musikatua. - 21:00. Lou Olanguari omenaldia, Putzuzulon. Lobo Electrico, Nuevo Catecismo Catolico, The Safty Pins, Anestesia, The Astrozombies eta Vincent Von Reverb y sus vaqueros electricos taldeek, besteak beste, OK Korral eta Louri gustatzen zitzaizkion abestien bertsioak egingo dituzte. Informazio gehiagorako: www.arraio.net