Indamendira joango dira igande honetan Inda-Mendi taldeko kideak. Goizeko 9:00etan Beheko plazatik aterako dira oinez Indamendira igotzeko. Atera baino lehen, tontorrean egingo den oparitxoen zozketarako zenbaki bat banatuko zaio pertsona bakoitzari. Gainera, goian hamaiketakoa egingo dute, salda, txorixo eta haragiarekin.
Tripa bete ondoren, iazko finalistak izan diren haurrek trofeo dotorea eta Larraitzera joateko gonbidapena jasoko dituzte. Hauek izan dira iazko mendizale apartak:
Irene Alvarez Unanue
Maria Amonarriz Aguirre
Jurgi Esnal Zuluaga
Ane Etxabe Yeregui
Araitz Garate Etxabe
Iñigo Mendizabal Eyang
June Santamaria Bulman
Naia Unanue Estevez
Bukatzeko, oparien zozketa egin eta Elkanora jaitsiko dira autobusa hartzeko eta Zumaiara bueltatzeko. Oraingoan ez da izenik eman behar. Eguraldi txarra egingo balu, Elkanon egingo lukete hamaiketakoa eta trofeo banaketa.