Orio3ten.2. HSN jardunaldien baitan, autopista azpiko bi zutabe margotzeko ekitaldia izan zen larunbatean. Eguraldi ederra lagun, herriko haur eta gurasoek goiz-pasa ederra egin zuten margo eta pintzel artean. Margotzen aritu ondoren, hamaiketakoa egin zuten denek batera.
Antolatzaileek adierazi dutenez,
ikastetxeetako haurrekin ekintza sinboliko bat egiteko gogoa zuten eta oso
gustura geratu dira gerturatu zen jende kopuruarekin.
Larunbat goizeko argazkiak ikusgai daude www.orio3ten.org webgunean.
Jardunaldiak aurrera doaz, eta gaur, asteartea, arratsaldeko zazpietan Orioko Curriculuma Sortzen taldeko kideek euren proiektua azalduko dute Kultur Etxean.