Larunbata, martxoaren 23a. Arratsaldeko 14:00ak. Jende asko Herriko Plazan. Eguraldia lagun, geroz eta jende gehiago ari zen pilatzen errepide aldamenean. Batzuk Orioko gainerako bidea hartu zuten, beste batzuk, berriz, Ortzaika, Saikola, Intxaurreta… aldera jo zuten.
Askotariko sentimenduez betetako koktelera zen Orio larunbatean, martxoaren 23an, 18. Korrika gurera zetorren bitartean. Halako batean, 15:15 inguruan, plazatik bistaratu ahal izan zen Aitzondo inguruan Korrika bazetorrela iragartzen zuen furgoneta. Jende urduri, batzuk dagoenerako hunkituta.
Guk argazki galeria bat eta herriko txoko batzuetan hartutako bideo zati batzuk ekarri dizkizuegu. Ea zenbat pertsona ezagutzen dituzuen!