<!--
@page { margin: 2cm }
P { margin-bottom: 0.21cm }
-->
Saharautz elkartasun taldeak abian jarriko du berriz ere Oporrak bakean programa. Iaz Saharako hamahiru haur izan ziren Urola Kostan. “Desertuan bizi diren ume hauentzat funtsezkoa da uda mineko beroaldi itogarriari ihes egin, gure artera etorri eta mediku azterketak egitea”, azaldu dute elkartetik: “Benetan garrantzitsua da eurentzat bi hilabetez ondo jan eta pilak kargatzea, beraiek gure etxe eta bihotzak umore, kolore eta goxotasunez betetzen dituzten aldi berean. Horrez gain, ukaezina da haur horiek direla herri zapaldu horren enbaxadorerik hoberenak”. Ildo horretatik, Saharako haurrak etxean hartzeko deia egin dute. Interesa dutenek 699-270791 telefonora deitu beharko dute.