Etxe kaleratzeak dira krisi ekonomikoak eragin duen arazo larri eta mingarrienetako bat. Euskal Herrian ehundaka dira dagoeneko etxea kendu dieten herritarrak; asko bizi dira etxea galtzeko beldurrarekin. Zumaia ez da arazo horretatik aparte bizi. Gaiari buruzko informazioa emateko, izan daitezkeen kezkak argitzeko eta laguntza eskaintzeko borondatearekin, bihar, osteguna, hitzaldia emango du Gipuzkoako Stop Desahucios taldeak, Alondegian, 19:30ean. Gaiarekin kezkatuta dauden herritarrek aukera bikaina dute lehen eskuko informazioa jaso eta elkartearekin harremanetan jartzeko.