Andoaingo piano jaialdiaren zortzigarren edizioa izango da otsailaren 22, 23 eta 24an, Andoaingo Bastero kulturgunean eta Danbolin Musika Eskolako 14 ikaslek hartuko dute parte. Jaialdia izateaz gain, txapelketa ere bada eta ikasitakoa erakusteko aukera izango dute Orioko musikari gazteek. Txapelketa 09:30etik 21:00etara bitartean izango da otsailaren 23 eta 24an Bastero kulturguneko bi aretoetan eta Orioko 8 urtetik 15 urtera arteko ikasleak izango dira lehian.
Bakarlariek A, B eta C mailetan hartuko dute parte eta piano lau eskutara A mailan joko dute:
Bakarlariak
- A mailan:
- Hodei Sanz: L. Mozart, Menueto.
- Alejandro Campos: A. Houghton, Creatures of the night.
- Miren Genova: S. Duro, Sono of the pine tree.
- B mailan:
- Amaia Izagirre: J. S. Bach, Menuet BWV 115.
- Ainhoa Bontigi: A. Unzu, Eszena txuri beltzean.
- Mikel Etxarri: P. Wedowood, Clouds.
- Borja Esnal: Ch. Norton, A charmer.
- C mailan:
- Paula Argintxona: E. Satie, Gnossiennes nº 3.
- Ander Carrera: J. S. Bach, Inbentzioa nº 14.
- Aitor Lizaso: S. Prokofieff, Promenade.
- Jon Loidi: J. S. Bach, Inbentzioa nº 13.
- Jone Zinkunegi: A. Donostia, Oñazez.
Piano lau eskutara
- A mailan: Unai Bontigi eta Iker Pielago: F. Schubert, Écossaise.
Txapelketan norbera bere buruarekin aritzen da lehian, ez aldamenekoekin. Baina bukaeran, partaideek diplomak eta dominak jasoko dituzte. Gero igandean amaierako kontzertua izango da eta aipamen bereziak jasotzen dituzten ikasleek parte hartuko dute. Guztiei zorte ona opa diegu.