Eduki hau partekatzeko esteka arbelera kopiatu da.
Pagoeta Mendizale Elkarteak goiz buelta antolatu du datorren iganderako, otsailaren 17rako. Ibilaldia, Itziarren hasiko dute eta Sarbil mendi gailurretik igaro ondoren, Lasturrera jaitsiko dira parte-hartzaileak. Hortik, Murgizar eta Ezteiaundi baserrien ondotik igaro ondoren, Saltsamend eta Andutz mendietara igoko dira. Itziarren amaituko dute ibilaldia. Jakinarazi dutenez, ez du aparteko zailtasunik; 4 ordu eta erdi inguru iraungo du. Goizeko 08:00etan Agoueseneko biribilgunetik abiatuko dira eta 14:00 inguruan Zarautzera iristea aurreikusten da. Interesa dutenek Mendizabal kinkiladendan eman beharko dute izena, ostirala bitartean.