Sansebastian festak ez dira oraindik amaitu Azpeitian, eta umeak Sokamutur txikian ibili dira goizean, Erdikaletik herriko plazara. Han, berriz, zezen txikiekin eta poniekin jolastu dute dozenaka haurrek, Arno ganadutegiko ganaduarekin. 16:00etan, berriz, haur parkea zabalduko dute Olazko Andre Mariaren plazan, eta ordu erdi beranduago Bergarako Zezenak ganadutegiko zezenekin sokamuturra izango da.
