Atano III. txapelketa hasiko da bihar

Atano III. Pilota Txapelketa Azkoitiko Oteiza Pilota Elkarteak Atano III. Pilota Txapelketa antolatu du hogeita bederatzigarren urtez, eta datozen hiru hilabetetan 80 neska-mutil lehiatuko dira Gurea pilotalekuan. Zazpi eta hamalau urte bitarteko pilotariek hartuko dute parte txapelketan, hamar mailetan banatuta; bihar izango da lehenengo partida, 17:15ean. Asteartetan ez ezik, ostegunetan eta larunbat goizetan izango dira saioak. Bihar, hitzaldia Oteiza Pilota Elkarteak eta Azkoitiko Udalak antolatuta, pilotaren inguruko hitzaldia izango da bihar, 19:30ean, kultur etxean. Bertan izango dira Koldo Aldalur kazetaria, Juan Mari Juaristi Atano XIII, eta Aspeko Aritz Laskurain eta Aitor Mendizabal eta Asegarceko Jon Ander Albisu eta Mikel Olaetxea. Aspaldiko eta egungo pilota partiden bideoekin uztartuko dute hitzaldia.