Gabonetarako egitaraua prest dute Arranopola Kultur Elkartekoek. Abenduaren 27an bunkerrean kontzertu akustikoa iznago da, Mor More, Isuo Sasiia eta Bassoren eskutik, 22:30etatik aurrera. Eta abenaduaren 28an, berriz, The Brutal eta BAP!! igoko dira taula gainera, 23:00etan.
Abenduaren 29an, berriz, urteroko moduan mus txapelketa azkarra izango dute, II. Mosto memoriala. ”Urtero bezala, oraingoan ere sari bikainak izango dira lehen hiru sailkatuentzat eta giro ezinhobea bertaratuko garen guztiontzat”, azaldu dute antolatzaileek. Izen-ematea arratsaldeko 16:00etan izango da, Arranon bertan. Ondoren, gau elektronikoa izango da, Arraio irratiko Kaiolatik irratsaioko lagunen eskutik.