Euskararen eguna ospatu eta gero, abenduaren 5ean, jaiak proiektua lantzen ari direla aprobetxatuz, San Nikolas festa ospatuko dute Zaraguetan haurrek eta irakasleek.
Goizean, jaiari hasiera emateko, suziria botako dute eta 11:30ean jolasak izango dira: aulki jolasa, moto-karrera, zaku-karrera, globoen jolasa… Arratsaldean, berriz, tailerrak egingo dituzte: aurpegiak margotu, makarroiekin lepokoak egin, maskarak… Ondoren, buruhandiak ibiliko dira, eta, bukatzeko, merienda banatuko dute.
Behin hori bukatuta, sanikolasei hasiera emango zaie Orioko kaleetan. Iluntzean hasiko dira jai ofizialak, eta, programa ikusteko, hemen klikatuta nahikoa da.