Abenduaren 15ean, larunbatean, Herrio Natur Taldeak antolatuta, 3. Jostailu Erabilien Azoka izango da egun osoan Herriko Plazan –eguraldi txarra egiten badu, frontoian–. Horretarako, jendeak etxeetan erabili ez edo behar ez dituen jostailuak izanez gero, horiei guztiei erabilera berria emateko aukera duela jakinarazi dute Herriokoek: Elkartrukea eta berrerabiltzea sustatzea dugu helburu eta Gabonetako gehiegizko kontsumoaz ardura hartzea.
Azoka eguna baino lehen jostailuen bilketa egingo dute azaroaren 30ean, ostiralean:
-
16:00etatik 17:00etara Zaragueta Eskolan.
-
16:30etik 17:30era Ikastolan.
-
18:00etatik 20:00etara Kosta Tailerrean.
Abenduak 14an, ostiralean, berriz ere Kosta Tailerrean izango dira azken jostailuak jasotzen, 18:00etatik 20:00etara bitartean.
Biltzen duten guztia abenduaren 15eko azokan ikusgai jarriko dute Herriko Plazan: goizean 10:30etik 13:30era eta arratsaldez 15:30etik 18:00etara.
Truke sistema
Bilketa egunetan jendeak etxetik eramandako jostailuak
sailkatu egingo dituzte hiru koloreren arabera: horia, urdina edo gorria. Jostailuak eramaten dituztenek nahi
izanez gero koloretako txartel bat jasoko dute azoka egunean kolore berdineko
txartela duen beste jostailuren batekin trukatzek. Mahaietan izango ditugun jostailu desberdin guztiak
ondo ondo begiratu eta gustukoena aukeratzea izango duzue, diote Herriokoek
Azokara hurbiltzen direnak egun horretan etxetik
eramaten dituzten jostailuak ere azokan jarritakoekin trukatu ahal izango
dituzte eta larunbat arratsaldean, azken orduan, jostailurik
eraman ez dutenek –txartelik ez dutenek– gustuko duten jostailu hori etxera
eramateko aukera izango dute.
Baldintzak
Ekimen honetan parte hartu ahal izateko honako baldintza hauek jarri dituzte Herriokoek:
-
Jostailuek osorik egon behar dute, egoera onean, norberari hartzea gustatuko litzaiokeen moduan. Egoera txarrean dagoen jostailurik ez dugu jasoko.
-
Azoka egunean jostailuak trukatzeko 8 urtetik beherakoek arduradun batekin joan beharko dute.
-
Azoka amaitutakoan inork eraman ez dituen jostailuak irabazi asmorik gabeko erakunde batetara bideratuko dira.