500 lagunek hartu dute parte aurtengo lasterketan (Onintza Lete Arrieta/Hitza)
Aurtengo herri lasterketan eguraldia lagun izan dute probako 500 parte-hartzaileek. 10 kilometroko ibilbidea osatu zuten, eta beste behin Yerai Varela oñatiarra nagusitu zen larunbatean 31:39 denborarekin. Bigarren azkoitiar bat helmugaratu zen: Imanol Larrañaga. Minutu bat eta 25 segundora iritsi zen azkoitiarra, eta 33:05 denbora egin zuen. Emakumezkoetan, Uxoa Irigoien getariarra izan zen garailea, 39:35 denborarekin. Sailkapena osorik hemen ikus daiteke. Raka Maraton Azkoitiko eta Azpeitiko Atletismo Elkarteak antolatu du lasterketa zortzigarren urtez, Azkoitiko Triatloi Taldearen eta Jokin Ormaetxea Txirrindulari Elkartearen laguntzarekin.
