Seigarren urtez, “Euskal Herriko zintzarririk preziatuena” eskuratzeko lehian jardungo dute hamar bertsolarik abenduaren 14ean, Putzuzulon antolatu ohi duten Kopla Txapelketan. Honakoek hartuko dute parte:
- Beñat Gaztelumendi (Añorga) [Iazko irabazlea]
- Nahikari Gabilondo (Zarautz)
- Fredi Paia (Algorta)
- Patxi Iriart (Hiriburu)
- Unai Ituriaga (Durango)
- Jon Maia (Zumaia)
- Oihane Perea (Gasteiz)
- Aitor Sarriegi (Beasain)
- Maddi Ane Txoperena (Hendaia)
- Alazne Untxalo (Ituren)
Sarrerak abenduaren 1an, 11:00tan jarriko dituzte salgai, Zarauzko Merkatu plazako 2. solairuan. Sarrera bakoitzak bost euro balioko ditu.
“Koplen zorroztasunak giroa nola berotzen duen bertatik bertara sentitu” nahi dutenak bertaratzera gonbidatu dituzte antolatzaileek.