Langileek maiatzean egindako protesta bateko irudia (Hitza)
Zestoan dagoen TS Fundiciones enpresako langileek manifestazioa deitu dute ostiralerako, zuzendaritzak ezarri nahi dituen neurriak salatzeko. TSko Enpresa Batzordeak adierazi duenez, zuzendaritzak langileen %30 kaleratzea nahi du urtea amaitzean, eta horretarako lana «jaitsi» egin dela argudiatu dutela adierazi dute. Hala ere, langileek gezurtatu egin dute hori; «arazoa estrukturala da, eta gure lana Aguraingo pabiloira eraman nahi dute, Zestoako langile kopurua jaitsi dadin». Egun, TSko langileek %30eko LET Lan Erregulazio Txostena dute. Zuzendaritzak urteko azken hiruhilekorako ezarri zuen neurri hori.
Herritarrei joateko deia
Enpresa Batzordeak herritarrei dei egin die manifestazioan parte hartzeko. 12:00etan izango da mobilizazioa.