Zestoako TS Fundiciones enpresako langileek manifestazioa deitu dute ostiralerako, zuzendaritzak ezarri nahi dituen neurriak salatzeko. Enpresa Batzordeak adierazi duenez, zuzendaritzak langileen %30 kaleratzea nahi du urtea amaitzean, lana “jaitsi” egin dela argudiatuz, baina langileek gezurtatu egin dute hori; “arazoa estrukturala da, eta gure lana Aguraingo pabiloira eraman nahi dute, Zestoako langile kopurua jaitsi dadin”. Egun, TSko langileek %30eko LET Lan Erregulazio Txostena dute.
Enpresa Batzordeak herritarrei dei egin die manifestazioan parte hartzeko. 12:00etan izango da mobilizazioa.