Altxerriko kobazuloan historiaurreko margoak eta grabatuak aurkitu zituztenetik aurten bete dira 50 urte. Horren harira hainbat ekitaldi egiten ari dira eta gaur, osteguna, jai berezia izango da Donostiako Victoria Eugenia antzokian, 19:30ean hasita.
Lehenengo Werner Herzogen La cueva de los sueños Olvidados 3D filma emango dute Atapuercako zuzendari albokoa eta Munibeko zuzendaria den Juan Luis Arsuagak aurkeztuta. Ondoren, performance bat egingo dute Oreka TXen musikarekin eta Juan Luis Goenagaren margoekin. Azkenik, kobako margolan eta grabatuen aurkitzaileei –Juan Cruz Vicuña, Felipe Aranzadi eta Javier Migliaccio– omenaldia egingo diete.
Ekitaldirako sarrera 10 euro da eta erosten dutenek Altxerriri buruzko liburua jasoko dute opari.