Iparraldeko Santiago Bidea argazki eta luma irudien erakusketa zabalduko dute bihar, Sortaldea kultur eremuan. Santiago bideari buruz Manuel Barrenetxea donostiarrak egindako 50 bat luma irudi izango dira ikusgai itsaspasealekuko aretoan, eta baita kostako bideko 80 argazki inguru ere, Irun eta Deba artean ateratakoak. Azaroaren 18ra bitartean izango da zabalik erakusketa, ostiraletan 18:00etatik 20:00etara eta larunbat eta jai egunetan 12:00-14:00 eta 18:00-20:00 artean.
