Euskal preso politikoen inguruko Barrura Begirako Leihoak dokumentala ikusteko aukera izango da datorren igandean, 18:00etan, Zestoako kultur etxean. Lana bost euskal presoren istorio independenteez dago osatuta; horietako batek Jon Ugarte Zinkunegi Pelotas zestoarraren kasua du oinarri, eta 17 urte Espainiako espetxe batean pasa ostean, honen itzulera bidaia kontatzen du. Hain zuzen, istorio hori Txaber Larrategik zuzendu du, eta bera igandeko emanaldia egongo da, dokumentalaren nondik norakoak plazaratzeko.
Larrategik Prohibido recordar eta Sagarren denbora dokumentalak zuzendu ditu aurretik, eta Itsasoaren alaba filmean muntatzaile lanetan aritu da.
