Giro aparta izan zen asteburuan Gaztetapen, Getariako IX. Surf Txapelketa herrikoiaren baitan. Antolatzaileek jakinarazi dutenez, ostiralean haurrak izan ziren protagonistak. Herriko gazteek sekulako maila dutela erakutsi zuten eta maniobra ikusgarriak eskaini. Neska bakarrak hartu zuen parte txapelketan, Ane Kanposek, eta 16 urtez azpiko mailan txapeldunorde geratu zen.
Larunbatean itsaso handia zegoela-eta, olatu “apartak” izan ziren. Hori dela eta, surflariek maila ona erakusteko aukera izan zuten.
Txapelketa amaitzean, parrillada “eder ta alaia” egin zuten, eta gero sari banaketen eta zozketen txanda izan zen.
Gaztetape Surf Elkarteak balorazioa oso ona egin du orohar, baina hurrengo urteetarako nesken eta surflari helduen parte hartzea bultzatu nahi du.
