Honelako tupperrak banatuko dituzte.
Urola Erdian abian jarri duten Ontziratu zaitez! kanpainaren baitan 900 tupper banatuko dituzte Zestoan. Urriaren 19an (ostirala), 10:00etatik 13:00etara, eta 23an (asteartea), 17:00etatik 20:00etara, banatuko dituzte ontziak udaletxe azpian. Kutxa Ekoguneak bultzatu du kanpaina eta Urola Erdiko Zerbitzuetako Udal Elkarteak zazpi udalerritan jarri du martxan. Ekimen honek, arraina eta haragia erosterakoan sortzen diren hondakinak murriztea du helburu. Zestoan parte hartuko duten saltokiak dira: Kontxi arraindegia eta Lopene eta Uzkudun harategiak.