Talaimendi erretzen ari da, zehazki araztegia eta goiko kanpinera igotzeko pasabidearen arteko eremua dago sutan. Zarauzko Udaltzaingoak 11:34ean bizilagun baten deia jaso du, suteaz ohartarazten. Berehala bertaratu dira suhiltzaileak: bi kamioi eta auto bat. Udaltzainek gune itxi dute, eta suhiltzaileak sua itzaltzeko lanetan ari dira; dagoeneko kontrolatuta dagoela jakinarazi dute. Jabier Etxaburu Udaltzaingoaren arduradunak jakinarazi duenez, kea “oso deigarria” da. Gertakaria argitzeko ikerketa zabalduko dute.