Approach Golf Kluba elkarte sortuberriak golf jardunaldia antolatu du gaur goizean, kirol hau herritarren artean ezagutzera emateko eta, bide batez, praktikatzeko aukera izateko. Horretarako, ikastaro irekiak eskaini dituzte erabat doan, Malekoi bukaeran, hondartzan. Iñaki Alustiza golf jokalari zarauztarra ere bertan izan da; parte-hartzaileei gomendioak emateaz gain, erakustaldia eskaini du eguerdian. Jardunaldi amaieran hainbat sari banatu dituzte.
